ರಾಕಿಂಗ್ ಸ್ಟಾರ್ ಯಶ್ ಮತ್ತು ಕಿಯಾರಾ ಅಡ್ವಾಣಿ ಅಭಿನಯದ ಬಹುನಿರೀಕ್ಷಿತ ‘ಟಾಕ್ಸಿಕ್: ಎ ಫೇರಿಟೇಲ್ ಫಾರ್ ಗ್ರೋನ್-ಅಪ್ಸ್’ (Toxic: A Fairytale For Grownups) ಚಿತ್ರದ ಟ್ರೈಲರ್ ಬಿಡುಗಡೆಯಾಗಿದ್ದು, ಇಂಟರ್ನೆಟ್ನಲ್ಲಿ ಧೂಳೆಬ್ಬಿಸುತ್ತಿದೆ. ಈ ಚಿತ್ರವು ಈ ಹಿಂದೆ ಮಾರ್ಚ್ನಲ್ಲಿ ಬಿಡುಗಡೆಯಾಗಬೇಕಿತ್ತು, ಆದರೆ ಇದೀಗ ಅಂತಿಮವಾಗಿ ಆಗಸ್ಟ್ 26 ಕ್ಕೆ ತೆರೆಕಾಣಲು ಸಜ್ಜಾಗಿದೆ. ಚಿತ್ರದ ಮೇಲಿನ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಲು ಚಿತ್ರತಂಡ ಈಗ ಟ್ರೈಲರ್ ಬಿಡುಗಡೆ ಮಾಡಿದೆ.
‘ಟಾಕ್ಸಿಕ್’ ಟ್ರೈಲರ್ನಲ್ಲಿ ಏನಿದೆ?
ಗೀತು ಮೋಹನ್ದಾಸ್ ನಿರ್ದೇಶನದ ‘ಟಾಕ್ಸಿಕ್’ ಟ್ರೈಲರ್ 4 ನಿಮಿಷ 39 ಸೆಕೆಂಡುಗಳಷ್ಟು ದೀರ್ಘವಾಗಿದ್ದು, ನಿರ್ದೇಶಕಿ ಸೃಷ್ಟಿಸಿರುವ ‘ಡಾರ್ಕ್ ವರ್ಲ್ಡ್’ಗೆ ಪ್ರೇಕ್ಷಕರನ್ನು ಕರೆದೊಯ್ಯುತ್ತದೆ. ಇದು ಬಹುನಿರೀಕ್ಷಿತ ರುಮಿ-ರಾಯಾ ರಹಸ್ಯವನ್ನು ಅನಾವರಣಗೊಳಿಸಿದೆ. ನಯನತಾರಾ, ಕಿಯಾರಾ ಅಡ್ವಾಣಿ ಮತ್ತು ತಾರಾ ಸುತಾರಿಯಾ ಅವರ ಲುಕ್ ಮತ್ತು ಅವತಾರಗಳು ವೀಕ್ಷಕರ ಗಮನ ಸೆಳೆಯುತ್ತಿವೆ.
ಆದರೆ, ಟ್ರೈಲರ್ನ ಅಸಲಿ ಆಕರ್ಷಣೆ ಎಂದರೆ ಯಶ್. ಪಕ್ಕಾ ಗ್ಯಾಂಗ್ಸ್ಟರ್ ಆಗಿ ಕಾಣಿಸಿಕೊಂಡಿರುವ ಅವರು, ತಮ್ಮ ಖಡಕ್ ಡೈಲಾಗ್ಗಳ ಮೂಲಕ ಅಭಿಮಾನಿಗಳಿಗೆ ಭರ್ಜರಿ ಕಿಕ್ ಕೊಟ್ಟಿದ್ದಾರೆ.
ಯಶ್ ‘ಟಾಕ್ಸಿಕ್’ ಟ್ರೈಲರ್ ಔಟ್: Yash Toxic Movie Trailer & Release Date
ಈ ಚಿತ್ರವು ಮೊದಲು ಏಪ್ರಿಲ್ 10, 2025 ರಂದು ಬಿಡುಗಡೆಯಾಗಬೇಕಿತ್ತು. ಆದರೆ ನಿರ್ಮಾಣ ಮತ್ತು ಚಿತ್ರೀಕರಣದ ವಿಳಂಬದಿಂದಾಗಿ ಸುಮಾರು ಒಂದು ವರ್ಷ ಮುಂದೂಡಲ್ಪಟ್ಟು, ಈದ್, ಗುಡಿ ಪಾಡ್ವಾ ಮತ್ತು ಯುಗಾದಿ ಹಬ್ಬಗಳ ಸಂದರ್ಭದಲ್ಲಿ, ಅಂದರೆ ಮಾರ್ಚ್ 19, 2026 ಕ್ಕೆ ನಿಗದಿಯಾಗಿತ್ತು. ತದನಂತರ ಯುಎಸ್-ಇರಾನ್ ಯುದ್ಧದ ಕಾರಣಗಳನ್ನು ಉಲ್ಲೇಖಿಸಿ ಚಿತ್ರತಂಡ ಬಿಡುಗಡೆಯನ್ನು ಆಗಸ್ಟ್ 26ಕ್ಕೆ ಮುಂದೂಡಿದೆ.
