ಕೇಕ್ ನೋಡಿ ಶಾಕ್ ಆದ ಸಾರಾ ಅಲಿ ಖಾನ್!

ವರದಿ: ಪ್ರಿಯಲಚ್ಛಿ ಗಂಧನಹಳ್ಳಿ

2018 ರಲ್ಲಿ ತನ್ನ ಚೊಚ್ಚಲ ಚಿತ್ರ ಕೇದಾರನಾಥ್ ಮೂಲಕ ಬಾಲಿವುಡ್‌ಗೆ ಕಾಲಿಟ್ಟ ನಟಿ ಸಾರಾ ಅಲಿ ಖಾನ್ ಶನಿವಾರ 28 ನೇ ವರ್ಷಕ್ಕೆ ಕಾಲಿಡುತ್ತಿದ್ದಾರೆ. ಬಾಲಿವುಡ್ ನಟ ಸೈಫ್ ಅಲಿ ಖಾನ್ ಮಗಳಾಗಿರುವ ಸಾರಾ ಅಲಿ ಖಾನ್ ತಮ್ಮ ಕುಟುಂಬ ಮತ್ತು ಕೆಲವು ಸ್ನೇಹಿತರೊಂದಿಗೆ ಮನೆಯಲ್ಲಿ ಕೇಕ್ ಕತ್ತರಿಸುವ ಪುಟ್ಟ ಸಮಾರಂಭ ಮಾಡಿದ್ದಾರೆ.

ಸಾರಾ ಅಲಿಖಾನ್‌ಗೆ ಬಾಲಿವುಡ್ ಮಂದಿ ಶುಭಾಶಯಗಳ ಮಹಾಪೂರ ಹರಿಸಿದ್ದಾರೆ. ಮನೆಯಲ್ಲಿ ಆಕೆಯ ಸ್ನೇಹಿತರು ಮತ್ತು ಆಕೆಯ ತಾಯಿ ಅಮೃತಾ ಸಿಂಗ್ ಮತ್ತು ಸಹೋದರ ಇಬ್ರಾಹಿಂ ಅಲಿ ಖಾನ್ ಅವರೊಂದಿಗಿರುವ ವಿಡಿಯೋ ಹಂಚಿಕೊಂಡಿದ್ದು, ಅದರಲ್ಲಿ ಸಾರಾ ಕೇಕ್ ನೋಡಿ ಶಾಕ್ ಆಗಿರುವ ಕ್ಷಣಗಲಿವೆ. ಇದನ್ನು ಫನ್ನಿ ವಿಡಿಯೋ ಎಂದು ಶೇರ್ ಮಾಡಿಕೊಂಡಿದ್ದಾರೆ.