ಫೈನಲ್​ ಪಂದ್ಯಕ್ಕೂ ಮುನ್ನವೇ ಐಪಿಎಲ್​ಗೆ ವಿದಾಯ ಘೋಷಿಸಿದ ಅಂಬಟಿ ರಾಯುಡು

ವರದಿ: ಪ್ರಿಯಲಚ್ಛಿ ಗಂಧನಹಳ್ಳಿ
16ನೇ ಆವೃತ್ತಿಯ ಇಂಡಿಯನ್​ ಪ್ರೀಮಿಯರ್ ಲೀಗ್​ ಫೈನಲ್​  ಪಂದ್ಯಕ್ಕೆ ಕೆಲವೇ ಕ್ಷಣಗಳು ಬಾಕಿ ಇರುವಾಗ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ ಮಿಡಲ್​ ಆರ್ಡರ್ ಬ್ಯಾಟರ್​ ಅಂಬಟಿ ರಾಯುಡು  ಈ ಲೀಗ್​​ಗೆ ವಿದಾಯ ಘೋಷಿಸಿದ್ದಾರೆ. ಫೈನಲ್​ನಲ್ಲಿ ಗುಜರಾತ್​ ಟೈಟಾನ್ಸ್​ ಎದುರಿನ ಪಂದ್ಯವೇ ತಮ್ಮ ಕೊನೆಯ ಪಂದ್ಯವೆಂದು ಆಂಧ್ರ ಪ್ರದೇಶದ ಆಟಗಾರ ಖಚಿತಪಡಿಸಿದ್ದಾರೆ.

2018ರಿಂದ ಚೆನ್ನೈ ಸೂಪರ್ ಕಿಂಗ್ಸ್​ ತಂಡದ (CSK 2023) ಭಾಗವಾಗಿರುವ ಅಂಬಟಿ ರಾಯುಡು ಫ್ರಾಂಚೈಸಿಯೊಂದಿಗೆ 2 ಟ್ರೋಫಿ ಗೆದ್ದಿದ್ದಾರೆ. ಅವರು ತಮ್ಮ ಐಪಿಎಲ್ ಜರ್ನಿಯನ್ನು 2010ರಲ್ಲಿ ಮುಂಬೈ ಇಂಡಿಯನ್ಸ್  ಪರ ಆರಂಭಿಸಿದ್ದರು. ಇದೀಗ ಸುದೀರ್ಘ 14 ವರ್ಷಗಳ ಐಪಿಎಲ್​ ಪ್ರಯಾಣವನ್ನು ಕೊನೆಗೊಳಿಸಲು ನಿರ್ಧರಿಸಿರುವ ರಾಯುಡು ಅಹ್ಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ  ಐಪಿಎಲ್​ನ ಫೈನಲ್​ ಪಂದ್ಯಕ್ಕೂ ಮುನ್ನ ಈ ನಿರ್ಧಾರ ಪ್ರಕಟಿಸಿದ್ದಾರೆ.

ಕಳೆದ ಬಾರಿಯೇ ನಿವೃತ್ತಿ ನಿರ್ಧಾರ
2018ರಿಂದ ಯಲ್ಲೋ ಆರ್ಮಿ ತಂಡದ ಭಾಗವಾದ ರಾಯುಡು, 2022ರ 15ನೇ ಆವೃತ್ತಿಯ ಐಪಿಎಲ್​ನಲ್ಲೇ ಹಿಂದೆ ಸರಿಯಲು ನಿರ್ಧರಿಸಿದ್ದರು. ಆದರೆ ಸಿಎಸ್​ಕೆ ಫ್ರಾಂಚೈಸಿಯು ರಾಯುಡು ಅವರನ್ನು ಮನವೊಲಿಸುವಲ್ಲಿ ಸಕ್ಸಸ್​ ಆಗಿತ್ತು. ಈ ಹಿನ್ನೆಲೆಯಲ್ಲಿ ಈ ಬಾರಿ ಕೂಡ ರಾಯುಡು ಚೆನ್ನೈ ಪರ ಆಡುತ್ತಿದ್ದಾರೆ. ಅಲ್ಲದೆ ಈ ವಿಷಯದಲ್ಲಿ ಯಾವುದೇ ಯೂ ಟರ್ನ್ ಪಡೆಯುವುದಿಲ್ಲ ಎಂಬುದನ್ನು ಕೂಡ ಅವರು ಸ್ಪಷ್ಟಪಡಿಸಿದ್ದಾರೆ.

5 ಟ್ರೋಫಿ ಗೆದ್ದಿದ್ದಾರೆ
14 ವರ್ಷಗಳ ಸುದೀರ್ಘ ಐಪಿಎಲ್​ ಕರಿಯರ್​ನಲ್ಲಿ ಒಟ್ಟು 5 ಬಾರಿ ಟ್ರೋಫಿ ಗೆದ್ದ ತಂಡಗಳನ್ನು ಪ್ರತಿನಿಧಿಸಿದ್ದಾರೆ. ಮುಂಬೈ ಇಂಡಿಯನ್ಸ್ ಪರ 3 ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್​ ಪರ ಎರಡು ಬಾರಿ ಚಾಂಪಿಯನ್ ತಂಡದ ಸದಸ್ಯನಾಗಿದ್ದರು. ಪ್ರಸಕ್ತ ಆವೃತ್ತಿಯಲ್ಲಿ ಅತ್ಯಂತ ಕಳಪೆ ಪ್ರದರ್ಶನ ನೀಡಿರುವ ರಾಯುಡು 15 ಪಂದ್ಯಗಳಲ್ಲಿ ಬ್ಯಾಟ್ ಬೀಸಿ ಕೇವಲ 139 ರನ್​ ಕಲೆಹಾಕಿದ್ದಾರೆ. ಅವರ ಆಟ ಭಾರಿ ಟೀಕೆಗೂ ಗುರಿಯಾಗಿತ್ತು.

ಮುಂಬೈ ಇಂಡಿಯನ್ಸ್ ಹಾಗೂ ಸಿಎಸ್​ಕೆ ತಂಡ 2 ಶೇಷ್ಠ ತಂಡಗಳು, 11 ಬಾರಿ ಪ್ಲೇ ಆಫ್, 8 ಫೈನಲ್​​ಗಳು, 5 ಟ್ರೋಫಿಗಳು. ಇವತ್ತಿನದು 6ನೇ ಫೈನಲ್. ಆದರೆ ಇಂದಿನ ಮಹತ್ವದ ಪಂದ್ಯ ನನ್ನ ಪಾಲಿಗೆ ಕೊನೆಯ ಪಂದ್ಯವಾಗಲಿದೆ. ಈ ಆವೃತ್ತಿಯಲ್ಲಿ ತುಂಬಾ ಎಂಜಾಜ್​ ಮಾಡಿದ್ದೇನೆ. ಎಲ್ಲರಿಗೂ ಧನ್ಯವಾದಗಳು. ಈ ಬಾರಿ ಯೂ ಟರ್ನ್​ ಇರಲ್ಲ ಎಂದು ರಾಯುಡು ತಮ್ಮ ಟ್ವೀಟ್​ ಮೂಲಕ ವಿದಾಯ ಘೋಷಿಸಿದ್ದಾರೆ.

2013ರಲ್ಲಿ ಮುಂಬೈ ಇಂಡಿಯನ್ಸ್ ಪರವಾಗಿ ರಾಯುಡು ಚೊಚ್ಚಲ ಐಪಿಎಲ್ ಪ್ರಶಸ್ತಿ ಗೆದ್ದಿದ್ದರು. ಇದು ಫ್ರಾಂಚೈಸಿಗೂ ಮೊದಲೆನೇಯದಾಗಿತ್ತು. ಆ ಆವೃತ್ತಿಯಲ್ಲಿ ಎಲ್ಲ ಪಂದ್ಯಗಳಲ್ಲಿ ಆಡಿದ್ದ ರಾಯುಡು, 2015 ಮತ್ತು 2017 ರಲ್ಲೂ ಇನ್ನೂ ಎರಡು ಪ್ರಶಸ್ತಿಗಳನ್ನು ಮುಂಬೈ ಪರವಾಗಿಯೇ ಗೆದ್ದಿದ್ದರು. ಬಳಿಕ ಚೆನ್ನೈ ಸೇರಿದ ವರ್ಷವೇ 2018ರಲ್ಲಿ ಪ್ರಶಸ್ತಿ ಗೆದ್ದರು. ಆ ಆವೃತ್ತಿಯಲ್ಲಿ 16 ಪಂದ್ಯಗಳಲ್ಲಿ 602 ರನ್​ ಗಳಿಸಿದ್ದರು. ನಂತರ 2021ರಲ್ಲಿ ವಿಜೇತ ಸಿಎಸ್​ಕೆ ತಂಡದ ಭಾಗವಾಗಿದ್ದರು.

200ಕ್ಕಿಂತ ಹೆಚ್ಚು ಪಂದ್ಯಗಳು
ಐಪಿಎಲ್​ ಇತಿಹಾಸದಲ್ಲಿ 200ಕ್ಕಿಂತ ಹೆಚ್ಚು ಪಂದ್ಯಗಳನ್ನು ಆಡಿದ ಕೆಲವೇ ಆಟಗಾರರಲ್ಲಿ ಅಂಬಟಿ ರಾಯುಡು ಕೂಡ ಒಬ್ಬರು. ಅವರು 4239 ರನ್ ಗಳಿಸಿರುವ ಬಲಗೈ ಆಟಗಾರ ಐಪಿಎಲ್​ನಲ್ಲಿ ಅತಿ ಹೆಚ್ಚು ರನ್ ಗಳಿಸಿದವರ ಪಟ್ಟಿಯಲ್ಲಿ 12ನೇ ಸ್ಥಾನ ಪಡೆದಿದ್ದಾರೆ. ಕಳೆದ ಆವೃತ್ತಿಯಲ್ಲಿ ಚೆನ್ನೈ 9ನೇ ಸ್ಥಾನಕ್ಕೆ ತೃಪ್ತಿಪಟ್ಟುಕೊಂಡಿತ್ತು. ಪರಿಣಾಮ