ಪ್ರಿಯಲಚ್ಛಿ sambramaprabha
ಈಡನ್ ಗಾರ್ಡನ್ಸ್ ಮೈದಾನದಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡವು ಉತ್ತಮ ಮೊತ್ತ ಕಲೆ ಹಾಕಿದೆ. ಆರಂಭದಲ್ಲಿ ರೆಹಮಾನುಲ್ಲಾ ಗುರ್ಬಾಜ್ (81), ಕೊನೆಯಲ್ಲಿ ಆ್ಯಂಡ್ರೆ ರಸೆಲ್ (34) ಅವರ ಆರ್ಭಟದಿಂದ ಕೆಕೆಆರ್ 20 ಓವರ್ಗಳಲ್ಲಿ 179 ರನ್ ಸವಾಲಿನ ಮೊತ್ತ ಗಳಿಸಿದೆ. ಮೋಡ ಕವಿದ ವಾತಾವರಣ ಕಂಡು ಬಂದ ಕಾರಣ, ಈ ಪಂದ್ಯವು 45 ನಿಮಿಷಗಳ ಕಾಲ ತಡವಾಗಿ ಆರಂಭಗೊಂಡಿತು.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಕೋಲ್ಕತ್ತಾಗೆ, ನಿರೀಕ್ಷಿತ ಆರಂಭ ಸಿಗಲಿಲ್ಲ. ಎನ್ ಜಗದೀಸನ್ ಮತ್ತೆ ನಿರಾಸೆ ಮೂಡಿಸಿದರು. ಬಿರುಸಿನ ಆಟಕ್ಕೆ ಕೈ ಹಾಕಿದರೂ, 19 ರನ್ಗಳಿಗೆ ಆಟ ಮುಗಿಸಿದರು. ಮೊಹಮ್ಮದ್ ಶಮಿ ಬೌಲಿಂಗ್ ಎಲ್ಬಿಡಬ್ಲ್ಯೂ ಬಲೆಗೆ ಬಿದ್ದರು. ಬ್ಯಾಟಿಂಗ್ನಲ್ಲಿ ಬಡ್ತಿ ಪಡೆದು ಕಣಕ್ಕಿಳಿದ ಶಾರ್ದೂಲ್ ಠಾಕೂರ್ 4 ಎಸೆತಗಳಲ್ಲಿ ಎದುರಿಸಿ ಶಮಿ ಬೌಲಿಂಗ್ನಲ್ಲಿ ಶೂನ್ಯಕ್ಕೆ ನಿರ್ಗಮಿಸಿದರು.
ರೆಹಮಾನುಲ್ಲಾ ಬಿರುಗಾಳಿ ಆಟ
ಆರಂಭದಲ್ಲೇ ಡಬಲ್ ಆಘಾತಕ್ಕೆ ಒಳಗಾದರೂ ನಿರ್ಭೀತಿಯಿಂದ ಬ್ಯಾಟ್ ಬೀಸಿದ ಆರಂಭಿಕ ಆಟಗಾರ ರೆಹಮಾನುಲ್ಲಾ ಗುರ್ಬಾಜ್, ಬೌಲರ್ಗಳ ಮೇಲೆ ಸವಾರಿ ಮಾಡಿದರು. ಮನಬಂದಂತೆ ದಂಡಿಸಿದರು. ಸಂಘಟಿತ ಬೌಲಿಂಗ್ ದಾಳಿಯನ್ನು ಮೆಟ್ಟಿ ನಿಂತು ರನ್ ಗತಿ ಏರಿಸಿದರು. ಆದರೆ ಯಾರೂ ಗುರ್ಬಾಜ್ಗೆ ಸಾಥ್ ನೀಡಲಿಲ್ಲ. ಶಾರ್ದೂಲ್ ಬಳಿಕ ಕಣಕ್ಕಿಳಿದ ವೆಂಕಟೇಶ್ ಅಯ್ಯರ್ (11) ಕೂಡ ಬೇಗನೇ ಔಟಾದರು. ನಾಯಕ ನಿತೀಶ್ ರಾಣಾ ಬೌಂಡರಿ ಸಿಡಿಸಿ ಬಂದಷ್ಟೇ ವೇಗವಾಗಿ ನಿರ್ಗಮಿಸಿದರು. ಜೋಷುವಾ ಲಿಟಲ್ ಇಬ್ಬರಿಗೂ ಗೇಟ್ಪಾಸ್ ನೀಡುವಲ್ಲಿ ಯಶಸ್ವಿಯಾದರು.ಅರ್ಧಶತಕದ ಸಿಡಿಸಿದ ಗುರ್ಬಾಜ್
ಬೆಂಕಿ-ಬಿರುಗಾಳಿ ಆಟವಾಡಿದ ಗುರ್ಬಾಜ್, ಕುಸಿತ ತಂಡಕ್ಕೆ ಆಸರೆಯಾದರು. ಜವಾಬ್ದಾರಿ ಆಟದ ಜೊತೆಗೆ ಅಗತ್ಯ ಇದ್ದಾಗಲೆಲ್ಲಾ ಸ್ಫೋಟಿಸುತ್ತಿದ್ದ ಆಫ್ಘನ್ ಆಟಗಾರ ಅರ್ಧಶತಕ ಸಿಡಿಸಿದರು. ವೇಗದ ಬ್ಯಾಟಿಂಗ್ನಿಂದಲೇ ಗಮನ ಸೆಳೆದ ರೆಹಮಾನುಲ್ಲಾ, ಅಲ್ಪಮೊತ್ತಕ್ಕೆ ಕುಸಿಯದಂತೆ ನೋಡಿಕೊಂಡರು. ಉತ್ತಮ ಹಂತಕ್ಕೆ ಕೊಂಡೊಯ್ಯುತ್ತಿದ್ದ ಗುರ್ಬಾಜ್ ಕೂಡ ವಿಕೆಟ್ ಒಪ್ಪಿಸಿದರು. ನೂರ್ ಅಹ್ಮದ್ ಬೌಲಿಂಗ್ ಹೊರ ನಡೆದರು.
ಗುರ್ಬಾಜ್ 39 ಎಸೆತಗಳಲ್ಲಿ 5 ಬೌಂಡರಿ, 7 ಸಿಕ್ಸರ್ಗಳ ನೆರವಿನಿಂದ ಬರೋಬ್ಬರಿ 81 ರನ್ ಚಚ್ಚಿದರು. ಒಂದೆಡೆ ಗುರ್ಬಾಜ್ ಆರ್ಟಿಸುತ್ತಿದ್ದರೆ, ಮತ್ತೊಂದೆಡೆ ರಿಂಕು ಸಿಂಗ್ ಕೂಲ್ ಆಗಿ ಬ್ಯಾಟ್ ಬೀಸುತ್ತಿದ್ದರು. ಬಳಿಕ ರಿಂಕು ಸಿಂಗ್ ಜೊತೆಯಾದ ಆ್ಯಂಡ್ರೆ ರಸೆಲ್, ಅಗ್ರೆಸ್ಸಿವ್ ಆಟಕ್ಕೆ ಕೈ ಹಾಕಿದರು. ನಿಧಾನವಾಗಿ ಬ್ಯಾಟ್ ಬೀಸಿದ ರಿಂಕು ಸಿಂಗ್ 20 ಎಸೆತಗಳಲ್ಲಿ 19 ರನ್ ಗಳಿಸಿ ಔಟಾದರು.
ಕೊನೆಯಲ್ಲಿ ಮಿಂಚಿದ ವಿಂಡೀಸ್ ದೈತ್ಯ ರಸೆಲ್, ಗುಜರಾತ್ ಬೌಲರ್ಗಳಿಗೆ ಬೆಂಡೆತ್ತಿದರು. 19 ಎಸೆತಗಳಲ್ಲಿ 2 ಬೌಂಡರಿ, 3 ಸಿಕ್ಸರ್ಗಳ ನೆರವಿನಿಂದ 34 ರನ್ ಚಚ್ಚಿದರು. ಆದರೆ ಕೊನೆಯ ಓವರ್ನ ಕೊನೆಯ ಎಸೆತದಲ್ಲಿ ಶಮಿಗೆ ವಿಕೆಟ್ ಒಪ್ಪಿಸಿದರು. ಡೇವಿಡ್ ವೈಸ್ ಅಜೇಯ 8 ರನ್ ಗಳಿಸಿದರು. ಅಂತಿಮವಾಗಿ 20 ಓವರ್ಗಳಲ್ಲಿ 7 ವಿಕೆಟ್ ನಷ್ಟಕ್ಕೆ 179 ರನ್ ಗಳಿಸಿತು. ಗುಜರಾತ್ ಪರ ಮೊಹಮ್ಮದ್ ಶಮಿ 3 ವಿಕೆಟ್, ಜೋಷುವಾ ಲಿಟರ್, ನೂರ್ ಅಹ್ಮದ್ ತಲಾ 2 ವಿಕೆಟ್ ಪಡೆದು ಮಿಂಚಿದರು.
.
